أخبار وطنية

نداء عاجل إلى السيد عبد اللطيف المكي، وزير الصحة

بخصوص الفنان أنيس بنحامد المقيم الان بمستشفى الأمراض النفسية بصفاقس

هذا مانشرته اخته على صفحات التواصل الاجتماعي :
“انا حبيت نهبط الستاتي هذا باش نحكيلكم عل الوضعية المزرية في قسم الامراض النفسية بمستشفى الهادي شاكر صفاقس . عندي خويا الكبير يشرب في دواء الاعصاب من 2011 اما حالتو ماهيش grave انسان واعي و مسالم mais déprimé ممكن بحكم سنين البطالة الي عداها في تونس مع العلم و انو متحصل على الاستاذية في الموسيقى، bref موش هذا موضوعنا ، خويا فترة الحجر الصحي دخل بعضو شوية (dépression) خاترو قص على دواه و دارنا ما فاقوش بيه.. خفنا عليه لا حالتو تزيد تتعكر مشاو دارنا عملو عريضة عند وكيل الجمهورية باش يجييو يهزوه لسبيطار و يعدلولو دواه. و هذاكا الي صار..mais لمصيبة مش هنا، المصيبة انو الي يدخل لقسم الطب النفسي بصفاقس فيه شوية عقل يخرج مهبول!! هذي خلاصة الموضوع ، امي كل يوم تمشيلو للسبيطار تهزلو قضيتو و دخانو و بحكم خويا عاقل و على نيتو كل يوم صايرتلو مشاكل مع بقية المرضى خاطر يرقد حتى شوية يقوم ما يلقاش دخانو(يسرقوه) ..bref جاشي يدافع على روحو نهار منهارات يقوم l’agent de sécurité يعطي لخويا زوز كفوف على قوة جهدو طرشلو بيهم وذنيه..مسكين خويا يحكي ل امي و يبكي 😥😥😥 (راجل عمرو 32 سنة يبكي ونتي إفهم القهر) نتمنى من ربي الحيوااان هذاا يقرا ال بيب متاعي نقلو يعطيك كسرة في يديك يا مريض و يحرز جيت مكبل في فرنسا منجمش نروح اما و حق ربي لاني مفلتك يا رخيص اندادك يا ذليل…non le pire يقلو: والله لما تخزز هنا!!!! هذا كلام يتقال ال انسان عندو مرض نفسي!!!!!!! نفس الحكاية صارتلو في 2011 ضربو agent de sécurité و هرب من سبيطار صفاقس و روحلنا للدار و طلبنالو نقلة للرازي وين عدى مكتبلو من ربي و خرج ….. لهنا ويني ادارة القسم ويني المراقبة !!!! حاجة أخرى قبل ما ننسى ، تصورو يا ناس يعدي مغلب الوقت يديه و ساقيه مربوطين…. !!!!!!!يحكي لمي يقلها يديا مشاو وليت نحرك فيهم بسيف😥😥😥😥.تصورو البارح في الليل يكلم فيهم باش يحلولو رباطو يحب يمشي للطوالات متلفتلو حد لين عملها على روحو!!!!!!!!!!!!!!!!!!!!!!!……راني نكتب و ناري شاعلة منجم نعمل شي الحدود مازالت مسكرة و منجمش نروح و امي مرا مريضة متنجم تعمل شيء وحدها…… و لذا رجاء كان فما طبيب يخدم في الهادي الشاكر que ce soit في قسم الامراض النفسية و لا في اي قسم اخر ة لا مسؤول في السبيطار يتدخل ، مش معقول انسان من حاملي الشهادات العليا يدخل بعقلو باش يعدلولو دواه يخرج بلاش عقل!!!!!!!! و السيد l’agent de sécurité الي ضرب خويا نحب نقلو شوية وقت تتعدى هل الأزمة و نروح نقدم فيك قضية يا حيوان يا رخيص اندادك و الله و راس مميمتي الغالية لا فلتك و كان واتتني الفرصة و عرضتني صدفة الزوز كفوف لاما يرجعولك عشرة بصحتك لقيتو انسان عاقل مينجمش يدافع على روحو اما يمين البكوش في صدرو …. بربي max up خلي message يوصل s’il vous plaît
شوفو الفرق في التصاور تو تفهمو

خويا chanteur لكن الله غالب الدنيا عكستو”

اظهر المزيد

مقالات ذات صلة

اترك رد

زر الذهاب إلى الأعلى