أخبار وطنية

القاضية كلثوم كنو تنتقد كلمة رئيس الحكومة وتدعوه الى تطبيق القانون في الحرب على الفساد …

انتقدت  القاضية كلثوم كنو ،في تدوينة على صفحتها الشخصية بموقع التواصل الإجتماعي فايسبوك ، كلمة رئيس الحكومة الياس الفخفاخ ، التي بثت ليلة الأمس على القناة الوطنية الأولى داعية اياه الى تطبيق القانون  بدلا من اتهام منتقدي وزير التجارة ” بالإصطياد في الماء العكر ” حسب تعبيرها  .

نص التدوينة

يا سيد رئيس الحكومة راك غالط

وراك قاعد تشجع على خرق القانون وكلامك خطير برشا
وعيب كيف الي ينقد أداء وزير والا نائب تقلو تصطاد في الماء العكر.
مالا هاو باش نقولهالك وديما نعبر بتربية واحترام

راك ارتكبت خطأ كبير كيف دافع على خرق القانون
ولما ان مجلس النواب صادقلك على إصدار مراسيم

كان عليك سيدي تصدر مرسوم تلغي به مؤقتا الفصل 25 من النظام الداخلي لمجلس نواب الشعب حتى يتمكن النائب من ابرام صفقات مع الدولة
لكن من غير هذا انت قاعد تعطي في فرص للبعض باش يخالفو القانون ويستغلو الفرصة باش يحتكرو السوق
ومن غير ما تبرر خطأ وزير الصناعة وأيضا خطأ النائب وتزيد انت تغلط زادة قال شنوة قال الأمر مستعجل.
خدمت انت خدمتك وصدرت مرسوم
اما من غير هذا نعتبر ك معترف بمشاركتك في خطأ كبير

يا سيد رئيس الحكومة موش باسم الحرب على الكورونا نسيبو الماء على البطيخ
كيما نحاربو الفيروس الي يهدد حياتنا نحاربو ايضا الفساد الي هو أيضا فيروس ينخر اقتصاد البلاد والي يخليك يا سيد الحكومة غير قادر نهار آخر تتصدى له وتنجم تنهض بالصحة وبالتعليم وغيرها
تحياتي وسلامي لك سيد رئيس الحكومة ولدولة القانون الي تحضر وتغيب

اظهر المزيد

مقالات ذات صلة

اترك رد

زر الذهاب إلى الأعلى