افتتاحية

“أرنب تكرّ على حلّوف..” بقلم فارس اللحياني

الفيروس عندو مميّزات تدميريّة خارقة

بعد ما شفت الندوة الصحفية الي عملها وزير الصحة عبد اللطيف المكي…
الناس الكل تحكي على دموع “القوّة” متاع عبد اللطيف المكي لكن موش هذا المهم… المهم هو المعطيات اللّي قالها حسب تقديري الخاص:
_ الفيروس بتحوّله من بلد الى آخر عندو مميّزات تدميريّة موش للجهاز التنفّسي فقط وانّما حتّى في المجاري الدّمويّة وتخلّي برشة ناس تموت بصفة فجئيّة كيما صار للسيّد اللّي توفّى في الشّارع وهو ماشي للعطّار..
_المسنّين ماهمش وحدهم في خطر، فمة ناس توفات عمرها 40 سنة، و حتى أقل من 30.
لهنا نذكّر أنّو في فرنسا طفلة 16 سنة دون أي مشاكل صحية توفات بالcovid_19و في امريكا رضيع في ال6 شهور و صغير في 11 سنة توافاو زادة بالcovid19.
_أخطر حاجة الموت الفجىي او شبه فجئ كيما سماه هو نتيجة توقف وضائف القلب من غير علامات سابقة تنذر بوجود الفايروس.
_معطى مهم قالو المكّي انو الفيروس ينجم يكون عمل طفرة جينية و اعراضو ولات تقتصر على ضيق التنفس فالموت مباشرة…. لا كحة و لا بحة و لا سخانة
-قال كذلك إلي 80% من مرضى الكورونا اللي يدخلوا للإنعاش يتوفاوو هذا يخوّف برجولية.
أرنب تكرّ على حلّوف
ربي يستر تونس
فارس اللحياني

اظهر المزيد

مقالات ذات صلة

اترك رد

زر الذهاب إلى الأعلى