اعلاناتثقافة و اعلام

بقلم سامي دمّق: بعد نتائج سبر الآراء إذاعة صفاقس الأولى دائما و تتفوّق بالعادة و التاريخ

نسبة الاستماع … المعلومة الاحصائية الي خرجت على نسب استماع الاذاعات ما عندها حتى قيمة و ما تعكس شيء و ما تتقراش و اي استنتاج على ضوء الارقام هو استنتاج بعيد على الحقيقة…شنو معناها تقارن بين اذاعات في عدد المستمعين و هي اذاعات ما عندهاش نفس مجال البث … كانك تقول مثلا نسبة استهلاك الصفاقسية لل pizza hut صفر في المائة و في نييورك 30 % …ارقام ما عندها حتى معنى باعتبار تفاوت الحظوظ ….و شنو معناها تقارن بين اذاعات ما عندهاش نفس التوجهات و الاختصاصات …مثلا اذاعة الثقافة و اذاعة متاع ثقافة و كورة و طبخ و دين و اخبار ..بالطبيعة الجمهور يكون اكبر …
من غير موقف من حتى اذاعة و من غير انتصار لحتى اذاعة ….بالنسبة ليا هذه احصايات سياسية بالاساس …وقت اذاعة صفاقس و الا الديوان يولي عندها بث في كل الجمهورية تو انجموا نقارنوا مع الاذاعات الاخرى …كيف صفاقس تجي قبل المستير كيف كيف …الفرق في الكثافة السكانية موش في مستوى الاذاعة…
بالنسبة لتفوق اذاعة صفاقس على اذاعة الديوان …ما نعرفش الارقام صحيحة و الا لا …و لكن طبيعي ان اذاعة صفاقس يكون عدد مستمعيها اكثر من الديوان …موش لفارق في مستوى البرامج و الا الصحفيين ..كل اذاعة عندها تفوق في مجال و ضعف في مجال اخر ….لكن الفرق الوحيد هو فرق في التعوّد…حكاية réflexe… الصفاقسي خاصة من الشريحة العمرية الكبيرة مازال ما عندوش رافلاكس متاع بحث على اذاعة اخرى…برشه راديوهات في الكوجينة و في الحوانت و في المحلات توه سنين و الابرة معدلة على صفاقس …لوكان يحركوها تتكسّر بالصديد …ما يعنيش اذاعة صفاقس متفوقة بالبرنامج ….اما متفوقة بالعادة و التاريخ ….

سامي دمّق

اظهر المزيد

مقالات ذات صلة

اترك رد

زر الذهاب إلى الأعلى